తెలుగు ఝరి

                                                    భరత భూమి  

వేద ముఖ్యుల తోడ ,వేదఘోషలతోడ, విలసిల్లు నట్టిదీ వేదభూమి,

రత్నాలరాసులన్ ,రమణీయ శోభతో ,ప్రసరించు నట్టిదీ రత్న  భూమి,

మిస మిస లాడెడు ,పసిడి పంటల తోడ , భాసురంబైనదీ భరత భూమి,

విజయ లక్ష్మిని గొన్న వీరులందరితోడ ,వెలుగొందు నట్టిదీ వీర భూమి,

నిఖిల విఖ్యాత కవులకు నిలయ భూమి ,

సకల విజ్ఞాన ధనులకు జన్మ భూమి ,

అట్టి సధ్బూమిలో హృదయ ముప్పొంగ మమ్ము పుట్టించితివి,

తదృణంబు దీర్ప వందనమ్ము చేతుమో భరత మాత.